1۔ میرج سی وی فارم میں فراہم کی گئی تمام معلومات، کوائف اور دستاویزات کا درست، مکمل اور حقیقت پر مبنی ہونا درخواست گزار، والدین یا سرپرست کی ذمہ داری ہوگی۔ غلط، نامکمل یا گمراہ کن معلومات فراہم کرنے کی صورت میں ادارہ کسی قسم کی ذمہ داری قبول نہیں کرے گا۔

2۔ رجسٹریشن اور سروس فیس سے متعلق شرائط:

2.1 میرج رجسٹریشن فیس کسی بھی صورت میں قابلِ واپسی (Non-Refundable) نہیں ہوگی۔
2.2 اگر کسی وجہ سے رشتہ طے نہ ہو سکے یا سروس مکمل نہ ہو پائے تو میرج بیورو کی وصول شدہ سروس فیس میں سے (25%) پچیس فیصد (75%) رقم واپس کی جا سکے گی، جبکہ باقی پچیس فیصد ادارہ جاتی اخراجات اور خدمات کی مد میں شمار ہوگی۔
2.3رشتہ طے کرنے کا عمل دونوں خاندانوں کے باہمی اتفاق اور رضامندی پر مبنی ہوگا۔ ادارہ (UMC) اپنی جانب سے دونوں فریقین کے کوائف اور دستیاب معلومات کی مکمل جانچ پڑتال کی بھرپور کوشش کرے گا، تاہم اس کے باوجود اگر مستقبل میں کسی قسم کی غلط معلومات، تنازع، اختلاف، ناچاقی یا پوشیدہ معاملہ سامنے آئے تو ادارہ اس کا ذمہ دار نہیں ہوگا۔
3۔ ابتدائی ملاقات دونوں خاندانوں کے درمیان آن لائن پلیٹ فارم (Zoom Meeting) کے ذریعے منعقد کی جائے گی۔ باہمی رضامندی اور معاملات میں پیش رفت کی صورت میں بعد ازاں بالمشافہ ملاقات کا اہتمام کیا جا سکے گا۔ اہم نوٹ اکثر ایسا ہوتا ہے کہ جب کسی بچی کو دیکھنے کے لیے رشتہ دار یا ممکنہ سسرال والے گھر آتے ہیں تو والدین کو متعدد انتظامات کرنا پڑتے ہیں، مثلاً گھر کی تیاری، صفائی ستھرائی، مہمان نوازی، کھانے کا انتظام اور بچی کی تیاری وغیرہ۔ اس تمام عمل کے باوجود اگر بعد میں انکار ہو جائے تو اس کے منفی اثرات نہ صرف بچی بلکہ والدین کی ذہنی کیفیت اور اعتماد پر بھی مرتب ہوتے ہیں۔ اسی تناظر میں UMC کی پالیسی یہ ہے کہ ابتدائی مرحلے میں دونوں خاندانوں کی پہلی ملاقات آن لائن منعقد کی جائے تاکہ غیر ضروری اخراجات، ذہنی دباؤ اور ممکنہ مایوسی سے بچا جا سکے، اور صرف سنجیدہ پیش رفت کی صورت میں بالمشافہ ملاقات کی جائے.
4۔ UMC کے زیرِ انتظام شادی ہالز یا تقریبات میں غیر شرعی و غیر اخلاقی سرگرمیوں، بشمول ناچ، گانا، ڈھول یا دیگر غیر موزوں رسومات کی اجازت نہیں ہوگی۔
5۔ UMC کی جانب سے فراہم کردہ خدمات میں بعض سہولیات ادارے کی پالیسی کے مطابق مفت اور لازمی ہوں گی، جبکہ اضافی خدمات یا خصوصی سہولیات کلائنٹ کی مرضی اور باہمی اتفاق سے فراہم کی جائیں گی۔
6۔ ہال وزٹ یا ابتدائی پراسیسنگ کے مرحلے میں میرج رجسٹریشن فیس ادا کرنا لازمی ہوگا۔ 7۔ رشتہ منتخب ہونے کے بعد مجموعی سروس فیس کا پچاس فیصد (50%) ادا کرنا ہوگا، جبکہ بقیہ ادائیگی نکاح یا حتمی معاہدے کے وقت مکمل کی جائے گی۔